Ma ka fikirtay inaad magac u bixiso website-kaaga ama blog-gaaga oo ma wayday magac ku haboon? Doorashada magaca saxda ah waa mid ka mid ah go'aamada ugu muhiimsan ee aad qaadan doonto.
Waxa jira shuruudo aasaasi ah oo looga baahanyahay qofka markuu magac bixinayo:
- Waa inuu ahaadaa mid gaaban: Way fududahay in la xasuusto oo la qoro.
- Waa inuu noqdaa mid fudud oo aan la ilaawi karin: Ka fogow higgaad adag ama tirooyin.
Hadii aad doonayso blogging inaad ka samayso shuruudahan sare aad bay muhiim u yihiin, sababtoo ah magacaagu waa astaantaada (your brand).
Talooyin Dheeraad ah oo ku Saabsan Doorashada Magaca
- Ka Fikir Niche-kaaga: Isku day in magacaagu uu tilmaan ka bixiyo waxa uu blog-gaagu ku saabsan yahay. Tusaale ahaan, haddii uu ku saabsan yahay cunto karinta, magac sida "DhadhanOnline" ama "SahanCunto" ayaa ku habboon.
- Isticmaal Erayo Somali Ah: Isticmaalka erayo Soomaali ah oo qurxoon waxay ka dhigaysaa blog-gaaga mid gaar ah oo soo jiidasho leh.
- Hubi Helitaanka: Kahor intaadan go'aan gaarin, hubi in magacaas uu bannaan yahay sida domain (.com, .net) iyo sidoo kale baraha bulshada (Facebook, Instagram, iwm).
WAA MAXAY BLOGGING?
Blogging waa habka loo abuuro loona daabaco qoraallo (posts) online ah oo ku saabsan mowduuc gaar ah. Waa Website lacag laga sameeyo, kaas oo inta badan marka hore lagu xidho shabakadda xayaysiiska ee Google AdSense si dakhli looga helo.
SIDEE LACAG LOOGA SAMEEYA?
Lacag waxa looga sameeyaa, waa inaad dalbataa Google AdSense. Marka lagu aqbalo, Google wuxuu xayaysiis ku soo bandhigayaa bogaaga. Mar kasta oo qof arko ama riixo xayaysiiskaas, waxaad helaysaa lacag. Waa muhiim inaad buuxiso shuruudaha uu kugu xidhayo si laguu aqbalo.
SHURUUDAHA GOOGLE ADSENSE OO FAAHFAahsan
Waa kuwan shuruudaha ugu muhiimsan ee Google AdSense iyo faahfaahintooda:
- Muddada Website-ka: Waa in website-kaagu hawada ku jiraa ugu yaraan laba toddobaad ilaa bil (14-30 Cisho). Tani waxay Google tusinaysaa inaad dhab ka tahay mashruucaaga.
- Tirada iyo Tayada Qoraallada: Waa in website-kaaga ku jiraan ugu yaraan 10 ilaa 15 qoraal oo tayo sare leh. "Tayo sare" macnaheedu waa qoraal adiga kuu gaar ah (original), oo faa'iido u leh akhristaha, kana kooban ugu yaraan 500 oo eray. Ha koobiyeyn qoraallada dadka kale.
- Bogagga Muhiimka ah (Important Pages): In website-kagu leeyahay bogagga aasaasiga ah sida Privacy Policy, About Us (Nagu Saabsan), iyo Contact Us (Nala soo Xiriir). Bogaggani waxay dhisaan kalsoonida akhristaha iyo tan Google.
- Domain Professional ah: Inuu domain kuu gaar ah ku xidhan yahay sida .com, .net, ama .org ayaa fursadaada kordhinaysa. Inkastoo .blogspot.com lagu aqbali karo, domain kuu gaar ah wuxuu muujinayaa xirfadlenimo.
- Tirada Booqdayaasha (Traffic): Inkastoo aysan ahayn shardi rasmi ah, waxaa aad u fiican in website-kaaga ay soo booqdaan ugu yaraan 500 oo qof inta aadan AdSense dalban. Tani waxay muujinaysaa in dadku ay xiiseynayaan waxa aad qorto.
Maxaa Xiga Marka AdSense Lagu Aqbalo?
Marka lagu aqbalo, shaqadu halkaas kuma eka. Si aad dakhli fiican u sameyso, waa inaad diirada saartaa saddexdan qodob:
- Abuur Qoraallo Joogto ah: Sii wad qorista maqaallo tayo sare leh si aad u soo jiidato booqdayaal badan.
- Kordhi Booqdayaashaada (Traffic): Baro xeeladaha SEO (Search Engine Optimization) si aad uga soo muuqato bogga hore ee Google, sidoo kalena isticmaal baraha bulshada.
- Falanqee Dakhligaaga: La soco nooca xayaysiisyada lacagta ugu badan kuu soo saara oo hagaaji meelaha aad dhigayso si aad u kordhiso dakhligaaga.
SIDEE LOO BADALAA MAGACA BLOG-GAAGA (BLOGGER.COM)?
Si aad u badasho cinwaanka (URL) ee blog-gaaga Blogger, raac tillaabooyinkan:
- Booqoo blogger.com oo gal akoonkaaga.
- Dashboard-ka, dhinaca bidix ka dooro Settings.
- Hoos u deg ilaa aad ka hesho qaybta 'Publishing'.
- Guji 'Blog address'.
- Daaqada soo baxda, ku qor magaca cusub ee aad rabto oo hubi inuu bannaan yahay.
- Guji 'Save' si aad u kaydiso isbeddelka.
| Magacyo Guud | Magacyo Hal-abuur leh | Magacyo Xirfadeed | Magacyo Gaagaaban |
|---|---|---|---|
| mariin | gacanqabad | martiside | kaahin |
| sahanleh | gabay-yare | kaamil-Pro | godey |
| dagane | aqoon-side | waayo-arag | karti |
| masawle | xog-wade | talo-bixiye | koore |
| sangud | fikir-wanaag | horu-socod | yaglel |
| derolay | halgan-net | iftiin-media | yasir |
| garleh | baro-maanta | xikmad-side | yabir |
| gadane | codka-dhalinta | qalin-maal | yasdo |
| martihaye | dhan-kasta | aragti-cusub | kaalin |
| sanbar | hiigsi-online | hormuud-net | gaabo |
Dhamaad.